অসমীয়া কথাছবিৰ ইটো-সিটো

» প্ৰথম অসমীয়া কথাছবিখন হ'ল জয়মতী। কথাছবিখন পৰিচালনা কৰিছিল জ্যোতিপ্ৰসাদ আগৰৱালাই। ১৯৩৫ চনৰ ১০ মার্চত কলকাতাৰ ৰাওনাক হলত জয়মতী কথাছবিখন মুক্তি দিয়া হৈছিল। কথাছবিখনে গুৱাহাটীত মুক্তি লাভ কৰে ২০ মার্চত।

 » অসম সাহিত্য সভাৰ প্ৰথমখন তথ্যচিত্ৰ হ'ল অমৰ লক্ষ্মীনাথ। তথ্যচিত্ৰখন পৰিচালনা কৰিছিল কমল নাৰায়ণ চৌধুৰীয়ে ।

 » অসমীয়া কথাছবিত অভিনয় কৰা প্ৰথমজন বিদেশী অভিনেতা হ'ল লণ্ডন ড্ৰেমেটিক স্কুলৰ স্নাতক মার্গাৰেট এণ্ডাৰছন। তেখেতে প্ৰভাত মুখার্জী পৰিচালিত পূবেৰুণ কথাছবিত অভিনয় কৰিছিল।

» দেশৰ বাহিৰলৈ পঠিওৱাৰ যোগ্যতা অর্জন কৰা প্ৰথমখন অসমীয়া কথাছবি হ'ল ১৯৫৯ চনত মুক্তি পোৱা পূবেৰুণ। কথাকলি চিনে প্ৰডাকচনৰ এই ছবিখনৰ পৰিচালক আছিল প্ৰভাত মুখার্জী। এই ছবিখন আন্তর্জাতিৰ বোলছবি মহোৎসৱত যোগ দিবৰ বাবে বার্লিনলৈ পঠোৱা হৈছিল।

» প্ৰথম অসমীয়া ক'মেডি কথাছবিখন হ'ল ব্ৰজেন বৰুৱা পৰিচালিত ইটো সিটো বহুটো। ১৯৬৩ চনত মুক্তি পোৱা এই কথাছবিখনৰ সংগীত পৰিচালনা কৰিছিল ব্ৰজেন বৰুৱাই।